Zelaieta Gazta - Ardi gazta Orendainen

Orendaingo (Gipuzkoa) Zelaieta baserrian ardi latxako artalde bat zaintzen dugu, eta bertako esne gordinarekin gazta naturala ekoizten dugu metodo tradizionalari jarraituz; horrela, gure gaztek Idiazabal Gaztaren Jatorri Izendapenaren eta Artzai Gazta Elkartearen araudiak betetzen dituzte.

Gure lehentasunen artean, gure artaldeari kalitate handiko elikadura ematea dago, urtearen zati handi bat aire librean bazkatzeko. Gure beste lehentasunetako bat artaldeari tratu osasungarria ematea da.

Guretzat oso garrantzitsua da gure ardien bizi-kalitatea zaintzea eta haiekiko arduraz jokatzea, horrek ere lagunduko baitu egiten dugun produktua kalitate handikoa izan dadin.

Gure bizimodua gure ardien inguruan antolatzen da, gure bizitzaren parte izanik. Erditzean, esnearen ekoizpenean, gaztaren heldutasunean, etiketatzean, datatzean eta, azkenik, produktuaren salmentan parte hartzen dugu.

Gazta zuzenean gure gaztandegian saltzen dugu, baita sagardotegietan, jatetxeetan, janari-dendetan, harategietan eta saltoki handietan ere.

Penintsulako edozein lekutara ere bidaltzen dugu (gutxienez unitate batera).

Orendaingo Zelaieta Baserria (Gipuzkoa) Aralar mendilerroaren inguruan dago, Txindoki mendi mitikotik 5 minutura, 1.346 metroko garaierarekin, Gipuzkoako altuena dena.

Maiatzetik azarora, euskal artzainak ardiak Aralarko mendilerroko larre garaietara igotzen aritu dira duela 7.000 urte baino gehiagotik, eta monumentu megalitikoak eraiki dituzte (trikuharriak, menhirrak, etab.) Ama Lurra, Eguzkia eta Ilargia gurtzeko, gaur egun galduta baitaude. Gaur egun artzain askok Txindokin eta Aralarren dituzte bordak (etxetxoak), eta uda partean bertara etortzen dira artaldeak zaintzeko eta ardiak jezteko, kalitate handiko goi mendiko larreetako gazta eginez.
Bere sustraiak historiaurrean murgiltzen dituen elezahar baten arabera, Txindoki mendian Mari jainkosa gorena bizi da urteko zenbait hilabetetan.

Milaka urteko artzain tradizio horretan, Zelaieta baserria dago, bere izenak dioen bezala zelai handiez inguratuta. Bertan bizi gara hiru bazkideak: Maider, Joxean eta Juan Mari. Bertan ditugu gazta egiteko erabiltzen ditugun instalazioak. Gure familiak belaunaldiz belaunaldi ardi-gazta ekoizten aritu dira, eta gaur egun hori da gure bizimodua.

Gure eguneroko jarduna ezagutu nahi baduzu, gustura hartuko zaitugu. Gurekin ere jar zaitezke harremanetan gure produktuak dastatu ahal izateko.